اسكتشات .. روووووعة !!

استعرض الموضوع السابق استعرض الموضوع التالي اذهب الى الأسفل

اسكتشات .. روووووعة !!

مُساهمة من طرف المدير العام في الخميس ديسمبر 11, 2008 10:59 am


في هذا الموضوع سيتم اضافة مجموعة اسكتشااااات
لعرضها عليكم واللي عنده أي اسكتش ممكن يضيفه
ورونا الموااااااااااااااااهب
[size=16]يدخل شخصان الأول يحمل بيده سيجارة ( أكيــد سيجارة لعبة لأن الدخــان حرااااام )

الشخص الثاني يرتدي ملابس كثيرة فوق بعضها البعض ولاتكون واضحه للجمهور

يجلس كل منهم في كرسي بقرب بعضهما البعض

الشخص الثاني يظهر حركات توضح استياءه من رائحة الدخان

الشخص الثاني يطلب من الشخص الأول اطفاء السيجارة بأدب

الشخص الأول لايمتثل للطلب ويقول طيب طيب ) ويظل يدخن السيجارة

الشخص الثاني يظهر تأذيه من رائحة الدخــان و يطلب بأدب من الشخص الأول اطفاء السيجارة لأن التدخين ممنوع

الشخص الأول يجيب : طيــب طيــب ، اجلس بعيد ، ويظل يدخـــن
يتكرر الطلب أيضاً ونفس الإجابة

الشخص الثاني يكرر الطلب للمرة الرابعة ولكن الشخص الأول يجيبه بغلاظه : يا أخي أنا حر ، هذه حرية شخصية

الشخص الثاني يبداً بخلع ملابسه بسرعه وهو يصرخ : ( حرية شخصية هاه حرية شخصية ، أنا حر كذلك ) ويبدأ بخلع ملابسه الواحد لدرجة توهم الجمهور أنه سيتعرى في المشهد !!!! والشخص الأول يطفي السيجارة بطريقة كاريكاتورية وهو يتأسف بشدة ويقسم بعدم التدخين في مكان عام مرة أخرى .

انتهى .
Laughing Laughing Laughing Laughing
الاسكتش الثاني..


عم دمراني في المسجد


الأشخاص :
المنشد ، عم دمراني ، عبد الله
الأحداث :

أحد المنشدين يقف في أمام الحاضرين وينشد وفجأة يدخل رجل يرتدي جلباب وعمامة ومعه عصا نعرف أنه عم دمراني ...

عم دمراني : ايه ده انتوا بتغنوا في المسجد !!! حرام عليكوا تغنوا في بيت ربنا اتقوا الله !!!! بيت ربنا تغنوا فيه يا مسلمين

يظهر عبد الله أمام عم دمراني ثم يقول له :
يا عم دمراني احنا بننشد مش بنغني ودي أناشيد اسلامية فيها معاني جميلة .

عم دمراني : في المسجد تنشد في المسجد يا ابني اتقي الله

عبد الله : اللهم اجعلنا من المتقين ، يا عم دمراني المسجد أيام الرسول كان شعلة من النشاط كان هو أساس الدولة الإسلامية منه تخرج الجيوش وفيه كان يتعلم الصحابة أمور دينهم ودنياهم وكانوا أيضا بيلعبوا فيه لعبة شبه التحطيب .

عم دمراني : بقى كده !! طب وسع أنا عايز أمسح المسجد .

عبد الله : احنا قاعدين هاتمسح فين

عم دمراني يذهب ويحضر إناء فيه ماء ويبدأ في رش قطرات من الماء أمام بعض الحاضرين أو عليهم – كل حسب نوع الشخصيات الذين يقدم لهم هذا العمل – و أثناء ذلك يحاول عبد الله أن يثنيه عن هذا العمل فيذهب عم دمراني ويعتذر عبد الله للحاضرين .....


ثم يأتي عم دمراني ثانية ومعه الإناء ويده مبلولة ماء ويقول أنا هامسح المسجد دلوقتي ثم يلقي ما بداخل الإناء على الحاضرين ....


ويفاجأ الحاضرين أن ما بداخل الإناء ...!!!!!









بونبون ( حلويات يعني )


------------
ملحوظات هامة أثناء تطبيق الإسكتش :
1- يجب أن توجد لجنة نظام حازمة حتى تتحكم في الهرج الذي سيحدث داخل المسجد عند وصول عم دمراني و القاء البونبون
2- الأفضل أن يرتدي عم دمراني جلباب وعمامة أو شال وتبقى أفضل لو ركب دقن مستعار ( كل حسب إمكانياته )




Laughing Laughing Laughing Laughing

(2) مسرحية الحمار الذكى


الشخصيات : الحمار - الخروف - الزرافة - الجمل

الحمار يصعد وهو يبكى ): السلام عليكم ورحمة الله وبركاته .. أه ..أه .. انا غبى .. انا مش عايز أبقى حمار .

الخروف يصعد وهو يغنى ) : ماء .. ماء .. انا الخروف .. انا الخروف .. فروتى مليانة صوف .. مالك ياحمار بتعيط ليه ...؟

الحمار : سيبنى أعيط ياخروف .. أصل انا غبى .. انا غبى .. انا مش عايز أبقى حمار واللى هيقولى ياحمار مش هارد عليه .

الخروف : انت ليه بتقول الكلام ده ... ماتعيطش ياحمار .. قولوله ياولاد مايعيطش .

الحمار : مش انا اللى باقول ياخروف ... دى الناس هيه اللى بتقول .

الخروف : والناس بتقول ايه ياحمار ..؟

الحمار : أنت حمار ( ويشير الى الخروف )

الخروف : لأ ..انا مش حمار .

الحمار : شفت حتى انت كمان مش عايز تبقى حمار ... الناس بتقول انت حمار لما بتلاقى واحد غبى تشتموا وتقولوا أنت حمار .

الخروف : ماتزعلش ياحمار ... انا واثق انك ذكى .

الحمار : بجد صحيح .. لكن اتأكد إزاى

الخروف : انا هاسألك سؤال لو عرفته تبقى انت ذكى .

الحمار : اسأل ... ماشى .. بس انا خايف أحسن مااعرفش اجاوب ..قولولى ياولاد أخليه يسألنى واللا لأ .. ( الاولاد : أيوه ..أيوه )

الخروف : إيه الحيوان اللى ليه قرنان .. ويلبس صوف فى الشتا والصيف ..؟

الحمار : الحيوان اللى ليه قرنان ويلبس صوف فى الشتا والصيف .. ايه هو ..ايه هو ..

الخروف : ايه هوه عارفينه ياولاد ..؟

الحمار : لأ .. لأ انا هاقول .. هوه البيضة .

الخروف : البيضة ... هى البيضة حيوان برضه ..؟ كده صح ولا غلط ياولاد ..؟

الحمار : ( يبكى ) : أه .. أه ..مش قلتلك ياخروف انا غبى انا غبى سيبنى بقى ياخروف .

- ينزل الخروف وتصعد الزرافة

الزرافة ( وهى تغنى ): انا انا الزرافة .. صديقة الصغار .. بالحب واللطافة أعيش فى البرارى .. مالك ياحمار بتعيط ليه .. وحزين ليه ..؟

الحمار : انا غبى انا غبى .. حتى الخروف سألنى سؤال سهل وماعرفتش أجاوب عليه ..انا قولتلكم انا مش عايز ابقى حمار .

الزرافة : بس بلاش يأس .. تعالى انا هاسألك سؤال تانى .. وان شاء الله تجاوب عليه .

الحمار :طيب ماشى ..اسألينى .

الزرافة : ايه الحيوان اللى رقبته طويلة .. ورجليه طويلة وبياكل الاشجار .

الحمار : ياترى ايه هوه .. ايه هوه .

الزرافة : تعرفوه ياولاد .. تعرفوه

الحمار : لآ ..لأ ..انا هاقول .. هوه الدجاجة .

الزرافة : اجابة الحمار :صح واللا غلط ياولاد ..؟ هى الدجاجة رجليها طويلة ورقبتها طويلة ..؟

الاولاد : .. لأ غلط الزرافة

الحمار : شفتى يازرافة .. انا مش قلتلك انا غبى .. انا مش عايز أبقى حمار..أه ..أه

- يخرج الجمل وهو متضايق .

الجمل : ايه الدوشة دى مين اللى بيعيط بصوت عالى كده ..؟

الحمار : أه ..أه ..انا الحمار ياجمل ..انا زعلان .. انا مش عايز ابقى حمار .

الجمل : زعلان ليه ياحمار ..؟ ومش عايز تبقى حمار ليه ..؟

الحمار : علشان الحمار غبى .. حتى الخروف والزرافة كل واحد فيهم سألنى سؤال وماعرفتش اجاوب عليه .. يبقى انا غبى ..أه أه .. انا غبى

الجمل : يعنى انت شايف نفسك غبى عشان ماقدرتش تجاوب على الاسئلة ..؟

الحمار : ايوه طبعا .

الجمل : لأه .. انت غلطان ياحمار .. كل واحد فى الدنيا ليه وظيفة وعمل يقوم بيه وانت وظيفتك مش الاجابة على الاسئلة .

الحمار : يعنى ايه ..؟ انا مش فاهم حاجة

الجمل :يعنى اجابة الاسئلة دى وظيفة الاولاد فى المدرسة علشان هم بيتعلموا وبيدرسوا وبيقروا ..أما انت مابتدرسش فى المدرسة .. لكن عندك أعمال تانية مهمة .

الحمار : اعمال مهمة .. انا بعمل أعمال مهمة .. وايه هى الاعمال دى ..؟

الجمل : عجيب أمرك ياحمار .. انا اللى هاقولك ايه شغلتك ..؟

الحمار : انا بعمل حاجات كتيرة .. احمل الناس من مكان لمكان .. وأحمل عنهم الاحمال التقيلة عليهم اللى مايقدروش يشيلوها .. واعرف الطريق من البيت الى الارض من غير ماأنساه .

الجمل : شفت بقى ياحمار .. شفت انك لك فوائد كتيرة .. الاولاد نفسهم مايقدروش يقوموا بيها .. والناس ماتقدرش تستغنى عنك .

الحمار : ايوه ..ايوه .. شكرا ياجمل انك فهمتنى فايدتى وعملى وقيمتى فى الحياة .

الجمل : كل مخلوق فى الكون ياولاد له فائدة وعمل يقوم بيه .. وكل واحد مايقدرش يقوم بعمل التانى .. وأهم حاجة ان احنا لازم نرضى بخلقتنا .. لأن ربنا هوه اللى خلقنا وجعلنا فايدة فى الحياة .. يبقى لازم نرضى بخلقة ربنا .

الحمار : عندك حق ياجمل انا غلطان علشان مارضيتش بخلقتى ونصيبى ، انا اتعلمت الدرس وانتو كمان لازم تتعلمو ياولاد ان كل واحد يرضى باللى ربنا قسمهوله .

(انتهى)

مقترح بعد المسرحية مباشرة :انشودة احمد ربك علشان خلقك من شريط أطفال زى العسل 1 مع طلوع العرائس وقت الانشودة .



انتظرونا ... فهناك المزيد بمشيئة الله
[/size]

المدير العام
Admin

عدد المساهمات: 25
تاريخ التسجيل: 22/09/2008
العمر: 30

معاينة صفحة البيانات الشخصي للعضو http://anamawhooob.ahlamontada.net

الرجوع الى أعلى الصفحة اذهب الى الأسفل

رد: اسكتشات .. روووووعة !!

مُساهمة من طرف عاشق غزة في الأحد ديسمبر 14, 2008 6:30 am

جزاك الله خيراً استاذ كريم على الاسكتشات الروعه

وربنا يرجعك بالسلامه

وننتظر المزيد

عاشق غزة

عدد المساهمات: 57
تاريخ التسجيل: 28/11/2008

معاينة صفحة البيانات الشخصي للعضو http://www.amlalommah.net/

الرجوع الى أعلى الصفحة اذهب الى الأسفل

رد: اسكتشات .. روووووعة !!

مُساهمة من طرف هويدا في السبت أغسطس 08, 2009 7:26 am

جزاك الله خيرا استكشات روووووعة فعلا وفى انتظار المزيد

هويدا

عدد المساهمات: 29
تاريخ التسجيل: 30/07/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: اسكتشات .. روووووعة !!

مُساهمة من طرف asmaa في الأحد أغسطس 09, 2009 1:27 am

جزاك الله الجنه
وفي انتظار المزيد
باذن الله
بجد جمييييييييييييييله

asmaa

عدد المساهمات: 25
تاريخ التسجيل: 19/07/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى